თქვენ წინაშეა ჰოლივუდის უახლესი წყვილი, ბრედლი კუპერი და ირინა შეიკი.  წყვილი პირველად ერთად რამდენიმე კვირის წინ თეატრიდან გამოსულები შენიშნეს. ახლა კი უკვე საშუალება გვეძლევა მათი პირველი სურათიც ვიხილოთ. ფოტოზე ირინა ბრედლის ეხუტება.

შეგახსენებთ, რომ კუპერი, ერთ-ერთი ყველაზე წარმატებული მსახიობია, ხოლო ირინა ერთ-ერთი ყველაზე მიმზიდველი მოდელი და ორივემ, სულ ახლახანს, დაასრულა მრავალწლიანი სასიყვარულო ურთიერთობა.

გასულ თვეში „ამერიკელი სნაიპერი“ და რუსი ლამაზმანი ბროდვეიზე, სპექტაკლის „ჯადოსნური ქვეყანა“ (Finding Neverland) მაყურებელთა შორის, ერთად მსხდარნი შენიშნეს.  40 წლის ბრედლის და 29 წლის ირინას ერთმანეთი საერთო მეგობრებმა უკვე დიდი ხანია გააცნეს.

წყვილი თეთრ სახლში გამართულ სადილსაც ერთად დაესწრო. თვითმხილველის თქმით, ისინი განცალკევებით საუბრობდნენ და ერთმანეთის გარემოცვით ტკბებოდნენ.

შეგახსენებთ, რომ „ოსკარის“ ნომინანტი  ბრიტანელ მოდელს სუკი ვოტერჰაუზს ორი წელი ხვდებოდა, მაგრამ წყვილმა ურთიერთობა თებერვალში დაასრულა. მათი დაშორების შესახებ სახალხოდ ცნობილი, მხოლოდ, ერთი თვის შემდეგ გახდა.

რაც შეეხება Burberry-ს მოდელს, ის პორტუგალიელ ფეხბურთელს, კრიშიტანუ რონალდოს 5 წელი ხვდებოდა, ხოლო მათი დაშორების შესახებ 2015 წლის იანვარში გახდა ცნობილი.

წყარო : allmovies.ge