2015 წლის 10 მაისს BAFTA – ს ცერემონიალი სამეფო თეატრში დრური-ლეინში გაიმართა. საუკეთესო დრამატული როლის შემსრულებელ მსახიობად წელს ჯეისონ უოტკინსი დაასახელეს. მსახიობს ჯილდო ბრიტანულ მინი სერიალში “The Lost Honour of Christopher Jefferies” შესრულებული როლისთვის გადაეცა. იგივე ნომინაციაში ქალბატონებს შორის გაიმარჯვა ჯორჯინა ქემბელმა სერიალ – “Murdered by My Boyfriend”- ში შესრულებული მთავარი როლისთვის. საუკეთესო დრამატული სერიალი წელს “Happy Valley” გახდა, ხოლო მინი სერიალებში “The Lost Honour of Christopher Jefferies”. საუკეთესო სატელევიზიო დრამის წოდება წელს ფილმმა “Marvellous” დაიმსახურა. საუკეთესო კომიკურ მსახიობებად წლევანდელ BAFTA- ის დაჯილდოებაზე ჯესიკა ჰაინსი და მეტ ბერი აღიარეს. RADIO TIMES AUDIENCE AWARD – ის სპეციალური ჯილდო გადასცეს სერიალ შერლოკს. აგრეთვე დაასახელეს მეორეხარისხოვანი როლის საუკეთესო მსახიობი მამაკაცი და ქალბატონიც – ჯემა ჯონსი და სტივენ რი . საუკეთესო საერთაშორისო ტელესერიალის ტიტული წელს HBO- ს “ნამდვილმა დეტექტივმა” მოიპოვა.