ცნობილი ამერიკელი მსახიობი ჰიუ ჯეკმანი ჟურნალისტებს საშიში დაავადების შესახებ ესაუბრა, რომელსაც ის უკვე 18 თვეა ებრძვის. ცნობილია, რომ კანის კიბოს უიმედო დიაგნოზი ჰიუ ჯეკმანს ჯერ კიდევ 2013 წელს დაუსვეს. მაშინ მას კარცინომა (კანის ავთვისებიანი სიმსივნე) აღმოუჩინეს. ავადმყოფობის გამო ჰოლივუდის ვარსკვლავი იძულებულია ყოველ სამ თვეში ერთხელ გამოკვლევა ჩაიტაროს. ჰიუ ჯეკმანის თქმით, 2013 წელს ფილმის „იქს-ადამიანების“ გადაღებების დროს მას ცხვირზე უცნაური ლაქა გაუჩნდა, რის გამოც ცოლი გამუდმებით სთხოვდა ექიმთან წასვლას. „დებმა მაიძულა გამოკველვის ჩატარება. მაშინ პირველად დამიდგინეს ავთვისებიანი კარცინომა“, - აღიარა მსახიობმა. ამ შემთხვევის შემდეგ მსახიობს ცხვირზე ლაქა ისევ გაუჩნდა. თუმცა ჯეკმანმა იფიქრა, რომ ეს ჩვეულებრივი ჭორფლი იყო და მეტი არაფერი. მაგრამ ამ ჯერზეც ცდებოდა. ეს კვლავ სიმსივნე აღმოჩნდა. მესამედ სიმსივნური წარმონაქმნი კი ფატქობრივად ერთი კვირის შემდეგ გაჩნდა. თავად მსახიობს დიდი იმედები არ აქვს რომ კანის კიბოს დაამარცხებს. „მე რეალისტი ვარ და სათანადოდ ვუყურებ მოვლენებს. გამიმართლებს თუ სიმსივნური წარმონაქმნი კიდევ ორჯერ გამიჩნდება, მაგრამ სარწმუნოა, რომ ის უფრო მეტი გაჩნდება. ახლა მე არ ვზარმაცობ და პასუხისმგებლობით ვეკიდები ჩემს ჯანმრთელობას, რადგან მკურნალობის წარმატებული შედეგი ბევრად არის დამოკიდებული ადრეულ დიაგნოსტიკაზე“, - აღნიშნა ჰიუ ჯეკმანმა.