ოლიმპიური ცეცხლი საქართველოშია
ოლიმპიური ცეცხლი გუშინ, ბათუმის აეროპორტში სპეცთვითმფრინავით ჩაიტანეს. ოლიმპიურ ცეცხლს ბათუმის აეროპორტში ადგილობრივი მთავრობისა და ცენტრალური ხელისუფლების წარმომადგენლები დახვდნენ.
თვითმფრინავიდან ოლიმპიური ცეცხლი "თბილისი 2015"-ის საორგანიზაციო კომიტეტის თავმჯდომარემ ალეკო ახვლედიანმა ჩამოიტანა და ოლიმპიურ ჩემპიონთან, ლერი ხაბელოვთან ერთად აანთო პირველი ჩირაღდანი. აეროპორტში სპეციალური ტრიბუნიდან აჭარის მთავრობის თავმჯდომარემ არჩილ ხაბაძემ, საქართველოს სახელმწიფო მინისტრმა დავით ბაქრაძემ და ოლიმპიურმა ჩემპიონმა ლერი ხაბელოვმა დამსწრე საზოგადოებას სიტყვით მიმართეს.
ამის შემდეგ ოლიმპიური ცეცხლი მიაწოდეს ესტაფეტაში მონაწილე მეჩირაღდნეებს. პირველი მეჩირაღდნე იყო რუსუდან სიხარულიძე. ესტაფეტაში მონაწილეობა მიიღეს სპორტსმენებმა, ოლიმპიურმა ჩემპიონებმა, საპატიო ბათუმელებმა და სხვადასხვა ცნობილმა სახემ, მათ შორის მსოფლიო ჩემპიონებმა მუხრან ვახტანგაძემ, სალომე მელიამ, რუსუდან სიხარულიძემ და სხვა სპორტსმენებმა. ოლიმპიურმა ცეცხლმა გაიარა აეროპორტის გზატკეცილი, ლეხ და მარია კაჩინსკის, შერიფ ხიმშიაშვილის ქუჩები, რუსთაველის გამზირი, გოგებაშვილისა და ფარნავაზ მეფის ქუჩები. საბოლოოდ ცეცხლი პიაცას მოედანზე ვეტერანმა ფეხბურთელმა რევაზ ჩელებაძემ შეიტანა. პიაცაზე კონცერტი გაიმართა, რომელშიც მონაწილეობას მიიღეს მომღერლებმა ანრი ჯოხაძემ, ნინი ბადურაშვილმა, სოფო ხალვაშმა, გიორგი და ნიკო ბერიძეებმა, ნოდიკო ტატიშვილმა, ნინი ბუზალაძემ, "ნიკოლშოუმ", დიჯეი რემბომ და მუსიკალურმა ანსამბლებმა. ზუგდიდში ცეცხლს 1 ივლისს ჩამოიტანენ და ორი დღე დარჩება, აქედან ერთი დღით მას ანაკლიაში გადაიტანენ.
ამის შემდეგ ოლიმპიური ცეცხლი მიაწოდეს ესტაფეტაში მონაწილე მეჩირაღდნეებს. პირველი მეჩირაღდნე იყო რუსუდან სიხარულიძე. ესტაფეტაში მონაწილეობა მიიღეს სპორტსმენებმა, ოლიმპიურმა ჩემპიონებმა, საპატიო ბათუმელებმა და სხვადასხვა ცნობილმა სახემ, მათ შორის მსოფლიო ჩემპიონებმა მუხრან ვახტანგაძემ, სალომე მელიამ, რუსუდან სიხარულიძემ და სხვა სპორტსმენებმა. ოლიმპიურმა ცეცხლმა გაიარა აეროპორტის გზატკეცილი, ლეხ და მარია კაჩინსკის, შერიფ ხიმშიაშვილის ქუჩები, რუსთაველის გამზირი, გოგებაშვილისა და ფარნავაზ მეფის ქუჩები. საბოლოოდ ცეცხლი პიაცას მოედანზე ვეტერანმა ფეხბურთელმა რევაზ ჩელებაძემ შეიტანა. პიაცაზე კონცერტი გაიმართა, რომელშიც მონაწილეობას მიიღეს მომღერლებმა ანრი ჯოხაძემ, ნინი ბადურაშვილმა, სოფო ხალვაშმა, გიორგი და ნიკო ბერიძეებმა, ნოდიკო ტატიშვილმა, ნინი ბუზალაძემ, "ნიკოლშოუმ", დიჯეი რემბომ და მუსიკალურმა ანსამბლებმა. ზუგდიდში ცეცხლს 1 ივლისს ჩამოიტანენ და ორი დღე დარჩება, აქედან ერთი დღით მას ანაკლიაში გადაიტანენ.
მასალის გამოყენების პირობები