საქართველოს ცენტრალურმა საარჩევნო კომისიამ სენაკისა და ზუგდიდის ოლქებში 2015 წლის 31 მაისს ჩატარებული საკრებულოების შუალედური არჩევნების წინასწარი შედეგები გამოაქვეყნა. ცესკოს ცნობით, საარჩევნო ადმინისტრაციამ სენაკისა და ზუგდიდის ოლქებში საკრებულოების შუალედური არჩევნებისთვის ხმის დათვლის პროცესი დაასრულა. წინასწარი მონაცემებით, სენაკის მაჟორიტარულ ოლქში კენჭისყრის შედეგები ასეთია: „ქართული ოცნების“ კანდიდატი მალხაზ ტორჩინავა -- 49,16 პროცენტი (470 ხმა); საინიციატივო ჯგუფის კანდიდატი კაპიტონი ტორჩინავა -- 23,54 პროცენტი (225 ხმა); „თავისუფალი საქართველოს“ კანდიდატი ემალი ყურაშვილი -- 17,78 პროცენტი (170 ხმა); ერთიანი ნაციონალური მოძრაობის კანდიდატი ხვიჩა სანაია -- 9,52 პროცენტი (91 ხმა). ზუგდიდის მაჟორიტარულ ოლქში კი წინასწარი მონაცემების მიხედვით ხმები შემდეგნაირად გადანაწილდა: „ქართული ოცნების“ კანდიდატი ვასილ გაბისონია -- 57,02 პროცენტი (410 ხმა); ერთიანი ნაციონალური მოძრაობის კანდიდატი კობა ბულია -- 42,42 პროცენტი (305 ხმა) და „თავისუფალი საქართველოს“ კანდიდატი ბაჩუკი ნარუშვილი -- 0,56 პროცენტი (4 ხმა). წყარო : http://www.cesko.ge