საზღვარგარეთ სწავლა ბევრ პრობლემასთანაა დაკავშირებული. ყველაზე მთავარი ხშირ შემთხვევაში შესაბამისი ინფორმაციის ნაკლებობაა. პროექტი ProGeorgia სტუდენტებსა და დაინტერესებულ პირებს უმაღლესი განათლებისა და მეცნიერების სფეროში სტრუქტურირებული საძიებო სისტემით დაეხმარება. პროექტი, ფონდ "ღია საზოგადოება - საქართველოს" მიერაა დაფინანსებული და იგი სწავლის დაფინანსების მოძიებაში დაეხმარება მსურველებს. კერძოდ, საზღვარგარეთ სწავლისათვის, საგანმანათლებლო და სამეცნიერო პროექტების განხორციელებისათვის როგორც საქართველოში, ასევე საზღვარგარეთ, კვალიფიკაციის ამაღლებისათვის,ორგანიზაციული განვითარებისათვის და ა.შ. საძიებო სისტემაში შეყვანილია ის დონორი პროგრამები/ორგანიზაციები, რომელთა დაფინანსება ვრცელდება საქართველოს მოქალაქეებზე და საქართველოში რეგისტრირებულ დაწესებულებებზე. ორგანიზაციაში აცხდებენ, რომ დონორების არსებული სია შეიქმნა ვებ-რესურსების შესწავლის შედეგად. პროექტის განხორციელებისათვის ასევე გამოვიყენებულია ის ინფორმაცია, რომელიც მიღებულია ევროპის ქვეყნებში Erasmus+ ეროვნული სააგენტოებიდან, საქართველოში აკრედიტირებული უცხო ქვეყნების საელჩოებიდან და საერთაშორისო ორგანიზაციების წარმომადგენლობებიდან. პროექტი ProGeorgia-ს იდეის ავტორი ლიკა ღლონტი აცხადებს, რომ სისტემა მიმდინარე წლის 22 აპრილიდან მოქმედებს და მისი ნახვა ყველას, ვებ-გვერდის http://progeorgia.ge საშუალებით შეუძლია. მისი ინფორმაციით, რამდენად წარმატებულია მათ ამის მონიტორინგი არ ჩაუტარებიათ, თუმცა, მიღებული წერილებიდან დადებითი გამოხმაურება აქვთ. ღლონტის ინფორმაციით, საქართველოში მსგავსი საიტი აქამდე არ არსებობდა, მისი შექმნის აცილებლებლომაც მოთხოვნიდან გამომდინარე დადგა. განათლების ექსპერტი სიმონ ჯანაშია აცახდებს, რომ 21-ე საუკუნეში ინფორმაციის ნაკლებობის პრობლემა ნამდვილად არ დგას, თუმცა აუცილებელი იყო ერთიანი საძიებო სისტემა, რომელიც ამ ტიპის ინფორმაციას დალაგებდა და თავს მოუყრიდა. ჯანაშია აცხადებს, რომ ასეთი სისტემა ეხმარება ადამიანებს მოიძიონ უნივერსიტეტები, გაეცნობ სწავლის საფასურს,, მიმართულებას, ცნობადობას და ასე შემდეგ. მისივე განცხადებით, საქართველოში რაც უფრო მეტი საიტი თუ ბაზა იქნება ამისი, მით მეტად განვითარდება საქართვეოლოში განათლება და გაიზრდება საზღვარგარეთ სწავლის შესაძლებლობა.