სამეგრელო-ზემო სვანეთის მხარეში სახელმწიფო რწმუნებულის - გუბერნატორის ადმინისტრაციის საჯარო მოხელეთა ვაკანტური თანამდებობის დასაკავებლად გამოცხადებული კონკურსის II ეტაპი (გასაუბრება) მიმდინარეობს. გასაუბრება გუბერნატორის ადმინისტრაციაში დღეს 24 ივნისს დაიწყო და ხვალ 25 ივნისს დასრულდება. გუბერნიის საზოგადოებასთან ურთიერთობის სამსახურის ცნობით, სახელმწიფო რწმუნებულის გუბერნატორის ადმინისტრაციაში სულ 235 განცხადება შემოვიდა, აქედან კონკურსის მეორე ეტაპზე 175 აპლიკანტი გადავიდა. კონკურსანტების გასაუბრების მონიტორინგი ხორციელდება აუდიო ჩაწერით. შეგახსენებთ, გუბერნიის ადმინისტრაციაში კონკურსი გამოცხადებილი იყო 4 ვაკანტურ თანამდებობაზე: სახელმწიფო რწმუნებულის - გუბერნატორის აპარატის მთავარი სპეციალისტი, სახელმწიფო რწმუნებულის - გუბერნატორის აპარატის უფროსი სპეციალისტი, სახელმწიფო რწმუნებულის - გუბერნატორის ადმინისტრაციის ადგილობრივი თვითმმართველობის ორგანოებთან ურთიერთობის სამსახურის მთავარი სპეციალისტი და სახელმწიფო რწმუნებულის - გუბერნატორის ადმინისტრაციის რეგიონული პროექტების კოორდინირების სამსახურის უფროსი სპეციალისტი.