საქართველოს ფეხბურთის ფედერაციის პრეზიდენტობის კანდიდატი მამუკა კვარაცხელია ზუგდიდში საფეხბურთო კლუბების, ფეხბურთის ფედერაციისა და მედიის წარმომადგენლებს შეხვდა. მან შეკრებილებს საკუთარი საარჩევნო პროგრამა გააცნო. კვარაცხელიას თქმით, ქართულ ფეხბურთში ძირეული ცვლილებები უნდა განხორციელდეს და ასევე, განსაკუთრებული ყურადღება ბავშვთა ფეხბურთზე უნდა გამახვილდეს. შეხვედრის ბოლოს ფეხბურთის ფედერაციის პრეზიდენტობის კანდიდატმა საჯაროდ დადო პირობა, რომ მისი არჩევის შემთხვევაში,ერთი წლის თავზე, 3 ოქტომბერს, ზუგდიდში ოთარ გაბელიას სახელობის საფეხბურთო სტადიონის პრეზენტაცია გაიმართება. საქართველოს ფეხბურთის ფედერაციის პრეზიდენტის არჩევნები 3 ოქტომბერს გაიმართება. მანამდე ფედერაციის საპრეზიდენტო კანდიდატები შეხვედრებს ქვეყნის სხვადასხვა ქალაქებში გააგრძელებენ. დღეს, 26 სექტემბერს ზუგდიდში ფედერაციის გენერალური მდივნის და პრეზიდენტობის კანდიდატთან რევაზ არველაძესთან იგეგმება შეხვედრა. ხოლო კვირას, 27 სექტემბერს, ზუგდიდში შეხვედრას ლევან კობიაშვილი გამართავს.